Son Prabha

Pyari Son Prabha, 

 Kaise yakeen dilaun tumhe ki tum buri nahi ho,

na hi khadus ho, 

aur na hi badtameez,  

laakho ki bheed ko haankta ye charvaaha, jab tumse pahli bar mila 

to yakeen jaanna aisa laga jaise kisi rajkumari se mila ho.

nahi nahi, tumne koi mahnge libaas to na pahn rakhe they, aur na hi aabhushan,

na lajja se jhukti tumhari gardan kisi rosh ko dikha saki ho.

par aankho me itne bade sapne liye, akele anjan shahar mey,

shiddat karte, khud ko mukaam tak laatey tumhe mene chand minto me hi mahsus kar lia tha

tumne kaha nahi,

par andar se intuition hui ki nahi, mujhe iski madad karni hai. aur agar wo allow karegi to uski life mey uska sath bhi dena hai jab tak wo chahein.

kyonki mein to vairagya par purn agrasar manushya hun, jis ko adhik lobh moh rah na gaya hai. 

Par tum soundarya ki pratimurti ho.

Aik purn purush jis stri ki kaamna karta ho, bilkul wahi, shayad koi smraat kisi samraagi ki abhilasha akre vaisa.

mere paas samay bahut tha ki apni mayavi shaktiyon se tumhe heal kar dun, par wo galat hota.

mene aik aik mukhoutey ko utar phenka, ye jaantey huye ki uske baad tum kabhi milna na chahogi, par yakeen janana sonprabha jitna pyar in chand palo me tum par umad aaya hai, shayad hi kisi janm me kisi par aaya ho.

tumhe jataya nahi, na batlaane ki ichha hai ki mere prem ki gahrayee kitni hai.

kyonki chahta hun tum usi ko milo, jisko ki tum chaho, 

me bahut door se tumhe khush dekhna chahta hun. 

hamesha, muskurate, apne jeevan me sarvochh pad ko haasil karna. 

mene tumhe in chand palo me jo bhi kaha hai wo jeevan bhar tumhe kaam aayega, jab jarurat padein, yaad karna un sabhi baaton ko aur tum sabhi mushkilo se nizaat paa logi.

deh ki aasakti ke upar jo prem hota hai, waisa hi kuch isko jaanna.

tumhe dukh na ho, isliye bina kuch kahe jaa raha hun, itni door ki tumhein meri parchayee bhi na milein ...

tumhara rasik balma