SCENE १ : DCOTORS VISITS THE VILLAGE
विलेज सेटिंग ( डॉक्टर (१,२), बुज़ुर्गु, माण्हू(१,२,३,४ ) बार (१,२,३,४ ), सरिपंचु)
Characters: Manish, Dimple, Gaurav, Jyoti(Narrator), Khushi, Heena, Jeetu, Manisha, Bheem, Kashish, Srushti, Jigar, Jeetu, Mishti and Extras.
Narrator : भारत जो हिकिडो नंढो गो_ठु मुशालपुर, उनमें सभेई माण्हू प्रेम ऐं शांतीअ सां रहंदा आहिनि।
पर अजु_ काल्ह सरहदि जी बीअ भरि खां थींदड बारूदी हमिलनि करे सभेई माण्हू डा_ढ़ा हीसियल हुआ।
गो_ठु जे बा_रनि त रांदि करणु ई छडे_ डि_नी हुई। अचानकि हिक डींहु डाकटरिन जी हिक टोली गो_ठु मे आई।
डॉक्टरू १ : हीउ गो_ठु त वीरानु आहे. को माण्हू बि नज़रि नथो अचे ?
डॉक्टरू २ : साहब, तव्हां बिल्क़ुलि ठीकु था चओ !
डॉक्टरू १: हलु त डि_सूं, त कहिड़ी गा_ल्हि आहे।
डॉक्टरू २ : चडो साईं !
[तड_हिं हुननि खे हिकिड़ो बुज़ुर्गु नज़रि आयो जंहिं खंघियो पिए।]
डॉक्टरू १: बाबा, हिन गो_ठु मे कोई नज़रि छो न थो अचे ?
[बुज़ुर्गु वाइड़ो थी हुननिखे डि_से थो ऐ चवे थो।]
बुज़ुर्गु : तव्हीं हिते नवां आह्यो। हिते त केहिं बि वक़्ति बारूदी गोला वसंदा आहिनि। इनकरे सभेई माण्हू , घरनि मे लिकी वेठा आहिनि।
डॉक्टर १ : ओह्ह, अहिड़ी गा_ल्हि आहे त तव्हीं सभिणी खे हिकिड़े हंधि गडु_ कर्यो, सरिकार असांखे तव्हांजी मदद लाइ मोकिलयो आहे।
बुज़ुर्गु: त तव्हीं आर्मीअ जा माण्हू आह्यो ? ज़ल्दी हितां हल्या वञो।
डॉक्टरू २ : पहिरी गा_ल्हि त असीं आर्मीअ जा न आह्युं। बी_ गा_ल्हि त असीं डॉक्टर आह्युं!
डॉक्टर १ : पर तव्हांखे आर्मीअ वारनि मां कहिड़ी परेशानी आहे ?
बुज़ुर्गु: पुट, असांखे आर्मीअ वारनि मां का बि परेशानी न आहे , पर असीं शान्ती पसंदि माण्हू आह्युं। हिते आर्मीअ हूंदी त गोड़ु वधंदो।
[ब_ई डॉक्टर हिक बि_ए खे डि_सी, बुज़ुर्गु खे इशारे खां चवनि था त सभिनी खे हिते कोठ्यो।]
बुज़ुर्गु: रामू, शामू , ललण सभेई बाहिरि अचो।
[सभेई अची पुछनि था]
सभेई: बाबा कहिड़ी गाल्हि आहे ?
बुज़ुर्गु: ही ब_ई डॉक्टर आहिनि, असांजी मदद लाइ, आया आहिनि।
[बुज़ुर्गु हाणे डाक्टरनि तरिफु डि_सी चवे थो।]
बुज़ुर्गु: मां हिन गो_ठु जो सरिपंचु आह्यां। तव्हीं असांजी केहिड़ी मदद करे था सघों ?
माण्हू १ : असां त तव्हांखे कोठ्यो कोन्हे तव्हीं किथां आया आह्यो ?
माण्हू २ : जड_हिं असांखे ज़रूरत हुई उन वक़्ति कोबि कोन आयो ?
माण्हू ३: ब मिन्ट शान्ती कर्यो।
डॉक्टरू २: पहिरीं असांजी गा_ल्हि त बुधो। बिहो त तव्हां खे बु_धायूं था।
[सभेई वीहनि था।]
डॉक्टरू १: जेसीं ताईं ता तव्हीं सभेई पहिंज्युनि दिल्युनि मां डपु न कढंदा, तेसी ताईं भगु_वानु बि तव्हांजी मदद न करे सघंदो।
माण्हू४ : तव्हां असांजी कहिड़ी मदद कंदा?
डॉक्टर २: साईं! डॉक्टरु साहिबु वडा_ साइकोलोजिस्ट आहिनि। तव्हांजी दिलि मां डपु कढ़ी सघनि था।
सरिपंचु: साईं, डपु असांजे बा_रनि जी दिल्युनि मे वेठो आहे।
डॉक्टरू १ : तव्हीं चिन्ता न कयो असांखे बा_रनि सा हिकु दफ़ो गडि_जनु डयो।
[सभेई ख़ुश थी, पंहिंजें पंहिंजें घर वञन था।]
डॉक्टरू २: साईं! तव्हां त सुठी गा_ल्हि बु_धाई, पर हिते त सभेई हल्या व्या।
(ऐ खिलण लगो।)
[थोरी देर खां पोइ, सभेई पहिंजनि बारनि खे वठी आया।]
माण्हू ५ : हिअ आहे मुहिंजी धीउ सिरिशटि ।
माण्हू ६ : हिउ मुंहिंजों पुटु ज़िगर।
माण्हू ७ : हीअ मुंहिंजी धीअ इमिली आहे ?
डॉक्टरू १ : ही सभेई त ठीकु आहिनि पर ही ब_ई छोकिरयूँ
बि _यनि बा_रनि खां अलगि_ पेयूँ लग_नि ?
समीरा जो पीउ : तव्हांजो मतिलबु ?
डॉक्टरू २: बाकी सभेई त हीसियल प्या लग_नि, पर ही ब_ई छोकिरयूं त डा_ढ़ियूँ बेडप्यूँ पेयूं लग_नि।
समीरा : मां , कंहिंजें बि पीउ खां नथी डिजां_।
(रांदि कंदे खिले पेई।)
इमिली : मां त कंहिं खे बि दसे सघां थी।
डॉक्टरू १: जीअं ही ब_ई खलनि पेयूं बेडप्यूं आहिनि तीअं सभिनी बा_रनि खे हुअणु खपे।
[थोरी देर खां पोइ, डि_सूं था त, डॉक्टरू बा_रनि खे जाचे प्यो ऐ हुननि खे कुझु समुझाए प्यो। बा_र ख़ुशि थी वञन लगा।]
डॉक्टरू १ : हल भाई, हाणे हितां जो कमु त थी व्यो बि_ए गो_ठु था हलूं।
डॉक्टरू २ : ठीकु आहे साईं।
[ बिनि महिननि खां पोइ ]
SCENE २ : SARPANCH DECIDES TO START THE SCHOOL
विलेज सेटिंग (मास्टरु , बुज़ुर्गु, माण्हू(१,२,३,४ ) बार (१,२,३,४ ), सरिपंचु, ज़ालु (१,२ ,३ ))
Characters: Manish, Khushi, mahak, kashish, yashika, bheem, jatin, dimple, usha, muskan, and Extras.
[गो_ठु जा सभेई माण्हू ख़ुशि आहिनि, सभेई पहिंजनि-पहिंजनि कमनि मे लगा प्या आहिनि। बा_रि रांदि प्या कनि , ज़ालूं खाधो रधण मे माशिगूलु आहिनि।]
[ एतिरे मे, गो_ठु जो सरपंचु अची, सभिनी खे कठो करे चवे थो ]
सरिपंचु: तव्हां सभिनी लाइ हिकिडी खुशिख़बिरी आहे।
[सभेई वाइड़ा थी डि_सनि था ]
सरिपंचु: हा, आतंकवादी हमिला, बंदि थी व्या आहिनि ए सभिनी हंधि शान्तिअ जो माहोलु आहे।
माण्हू ७ : अरे वाह।
माण्हू ८ : इहा त डा_ढ़ी सुठी ख़बर आहे।
सरिपंचु: हिकड़ी बि_ सुठी ख़बर बि आहे।
माण्हू ९ : उहा वरी कहिड़ी सरिपंचु साहिब।
सरिपंचु: मा हीउ फ़ैसिलो कयो आहे त असांजे गो_ठ मे बा_रनि जो इस्कूलु वरी शुरू थिए त जीअं असांजा बा_र ख़ूबि पढनि।
माण्हू१० : ईअ थी सघें थो छा।
[एतिरे मे हिकिडो मास्टरु अची चवें थो ]
मास्टरु: मुंहिंजे हुंदे चिंता का बि न आहे।
सरिपंचु: डि_सो थी व्यो न कमु, हिउ तमाम सुठो मास्टरु आहे।
[सभेई टहिक डेई खिलनि था ]
SCENE 3 : SHER PICKS A KID FROM THE CLASS
क्लासरूम सेटिंग (मास्टरु , बा_र (१,२,३,४ ), शेरू , असिस्टेंट (१,२,३,४ ))
Characters: Jatin, Mehek, kashish, khushi, divyanshi, bhoomika, yashika, srushti, raahul, neeraj, bheem, heena, reetu, pandit ji(lyrics), manish(BGM).
[मास्टरु जो क्लास हले प्यो, बा_र पढनि प्या ]
मास्टरु: अजु_ मां तव्हांखे बु_धायां थो त सिंधीअ बो_ली कडहि शुरू थी ?
बा_रु १: सिंधी छा थींदी आहे ?
[मास्टरु थोरो समुझाइणु जी कोशशि करे चवे थो ]
मास्टरु: तोखे ख़बर न आहे त तुंहिंजी मादिरी बो_ली कहिड़ी आहे?
[बा_रु मथो खन्ही चवे थो ]
बा_रु२ : मादिरी बो_ली ?
मास्टरु: डि_सु पुट, मादिरी बो_ली उनखे चवंदा आहिनि जेका असांखे पहिंजनि वड_नि खां मिलंदी आहे।
बा_रु ३ : अछा विरासत!
बा_रु ४: उहा न जंहिं मे अनील कपूर हुओ ?
मास्टरु(गुसे मे ): अनील कपूर न तुंहिंजो सिरु।
[थोरी देर चुप थी वरी समीरा तरफ़ु इशारो करे पुछे थो ]
मास्टरु: समीरा पुट तू बुधाइ तोखे त ख़बर आहे न त असांजी मिठिड़ी बो_ली सिंधीअ जे बारे मे?
समीरा: हा! घर मे असीं सभेई सिंधी गाल्हिाईंदा आह्युं। मूंखे त पंहिंजी बोलीअ ते फ़ख़रु आहे। मा जड_हिं बि पंहिंजीअ माउ सां सिंधीअ मे गाल्हाईंदी आह्यां त सभेई असंाडे_ निहारींदा आहिनि !
बा_रु५ : तू सचु थी चवीं ?
समीरा: हा! सिंधीअ मे घणेई गीत आहिनि ए मूंखे गीत गा_इणु डा_ढो सुठो लगंदो आहे।
मास्टरु: झूलेलालु महिर करे! शाबासि समीरा, तू सभिनी खां सुठी छोकिरी आहीं।
इमिली: मां बि सिंधी सिखणु थी चाह्यंा पर मुंहिंजा माउ पीउ त सिंधी गा_ल्हाईंदा न आहिनि। सजो_ वक्तु अंग्रेजीअ मे गा_ल्हाईंदा आहिनि।
[एतरो चई मास्टरु सभिनी खे सिंधीअ जो हिकु-हिकु किताबु डि_ए थो। ]
बा_रु६ : साईं हीउ छा आहे ?
मास्टरु: अरे हीअ सिंधीअ जी वर्णमाला आहे। हिनखे पढ़ी तव्हीं जल्दी सिंधी सीखी वेंदा।
बा_रु७ : वर्णमाला, अरे वाहु हाणे मा सिंधी पढ़ी सघंदुस!
मास्टरु: हाणे मां तव्हांखे हिकिड़ो गीतु थो बु_धायां।
[ मास्टरु गीतु बुधाए प्यो बार डाढ़े ध्यान सा बुधनि प्या। ]
[ एतरे मे , शेरू पंहिंजे झुंड सां गडु अचे थो ए पहिंजी गजिगोड़ करे थो। ]
शेरू: हीअंर तव्हीं सभेई मुहिंजे पंजे मे अाह्यो। अजु_ तव्हीं मूखां बची न सघंदा।
[शेरू पहिंजे असिस्टेंट खे ]
शेरू: कीअं पुट मूं ठीकु चयो न।
[ए असिस्टेंट पंहिंजो मथो कुटे वेही रह्यो। ]
[इहो डिसी सभेई ज़ोर-ज़ोर सां खिलन लगा।]
[शेर वाइडो थी डिसे थो ]
[शेरू ऑडियंस तरिफ़ु अचे थो, ए चिडी चवे थो। ]
शेरू: भाई, हिननखे समुझायो मूं जेकड_हिं हिननि मां कंहिं खे खाधो त तव्हां मूंखे पकिड़े ज़ेलु मे विझंदा ?
[शेरू ऑडियंस के वरी चवे थो]
शेरू: तव्हीं बा_रनि खे समझायुन था त मां पंहिंजो कमालु डेखार्यां ?
[शेरू ब_ मिन्ट तरिसी, वरी बा_रनि डांहु वञे थो ]
शेरू: बचे, हाणे मां कंहिं खे बि को न छडीं_दुसि।
[ए गजिगोड़ करण लगो_, गजिगोड़ बु_धी मास्टरु जी पैंट ढीली थी वई ए हू उतां भजी_ व्यो।]
[सभेई बारि हेडा_हुँ-होडा_हुँ थी व्या।]
[तड_हिं हिकिडो बा_रु बेहोशि थी स्टेज ते किरी प्यो।]
[इहो डि_सी करे शेरू डा_ढो खुशि थी व्यो ए झटु हणी बा_र खे खणी व्यो।]
SCENE 04 : A MEETING IS CALLED TO DEAL WITH LION
विलेज सेटिंग ( बुज़ुर्गु, माण्हू(१,२,३,४ ) , सरिपंचु, हमदू )
Characters: Manish, neeraj, deepak, divyanshi, yashika, jeetu, mahak, usha,muskaan, dimple, heena (extras).
[गो_ठ मे थरिथलो मची व्यो। रामूअ जो पुटु जिगर किथे बि नथो मिले। ज़िगर जी माउ जो रोई-रोई बुरो हालु थी व्यो। सभेई माण्हू हिरासिजी व्या आहिनि। सभेई सरिपंचु खे सडु था कनि।]
सरिपंचु: हीय मां छा थो बु_धां।
माण्हू११ : असांजे गो_ठ मे पहिरी कंहिं जानिवरु जो हमुलो थ्यो आहे ?
माण्हू१२ : अरे यार! खाइणो होसि त मूंखे खाए हा मुंहिंजे पुटु खे छो खणि व्यो ?
माण्हू१ ३: अरे यार! हू त जानिवर आहे, हुनखे कहिड़ी ख़बर कंहिंखे थो खाए !
माण्हू१४: जानिवर आहे त छा, बार_नि खे खाईंदो ?
माण्हू१५: सरिपंचुजी ईअं ठीकु न आहे को न को इंतेज़ामु त कर्यो न त त तव्हां हिते अकेला ई रहंदा।
सरिपंचु( डाढ़े शरम विचंा ): तव्हां सभिनी खे गो_ठु छडण जी जरुरत कान्हे मां को न को बंदोबस्तु कंदुसि।
[सभेई जालूं रूअण लगयूं ए इन करे सरिपंचु खे मीटिंग बंदि करिणी पेई।]
[सभेई व्या हली, सरिपंचु सोच मे बु_ड_लु आहे, पंहिंजो पाण सां गाल्हाए प्यो।]
SCENE 05: HAMDU MEETS SARPANCH
CHARACTERS: BHAVESH, MANISH
सरिपंचु: हिन गो_ठ लाइ का न का मुसीबत हरि वक्तु तियारु आहे।
[तड_हिं हुनजे साम्हूं हम्दू अची बीठो, हुनजो पाछो डि_सी सरिपंचु हुनखे चयो। ]
सरिपंचु: हम्दू किथां थो अचीं। तोखे ख़बर न आहे त गो_ठ मे कहिड़ो घमासानु थी व्यो आहे।
हम्दू: साईं! मा त हाणे ई शाहिर मां प्यो अचां।
[ सरिपंचु यकसाहीय हुनखे सजी_ गाल्हि बुधाई, ए डि_घो साहु खणी चुपि थी व्यो ]
हम्दू: आह! एतिरि वडी_ गा_ल्हि थी वेई! फ़िक्रु न कर्यो, मां शहिर मां को शिकारी गो_ल्हे इंदुसि।
सरिपंचु: पर तू जल्दी कंजाइ असां वटि वधीक टाईमु कोन्हे।
SCENE ०६ : इंडियन आर्मी ट्रेनिंग कैंप
[जवान (१ -६ ), मेजर , सूबेदार, हम्दु ]
CHARACTERS (AKSHAY, BHAVESH, TUSHAR, MISHTI, JEETU, MUSKAN, REETU, HEENA, DIMPLE, USHA, GAURAV)
[कुझु जवान हेडां_हुं-होडां_हुं डोरनि प्या। कुझु जवानु मुस्तैदी सां पहिरो प्या डि_यनि। ए कुझु दूरिबीनि ते डि_सनि प्या।]
मेजर : कहिड़ी गाल्हि आहे, अजु_ काल्ह बार्डर ते को हमुलो ई को न थ्यो आहे। लगे थो दुिशमनु घोड़ा विकणी सुम्हियो प्यो आहे।
जवानु १ : साईं कुझु गड़िब_ड़ि लगे थी। असां कुझु हलिचलि डि_ठी हुई। कुझु माण्हू लिकी छिपी आया व्या पिए।
मेजर: त तव्हां वार्निंग शॉट छो न डि_नी।
जवानु २: सरि असांजे लाइ अहिड़ो आर्डरु को न हुओ।
मेजर: आर्डर माय फुट। भारत देस जी सुरक्षा असांजो पहिरियों फ़र्ज़ु आहे।
जवानु ३: जी जनाब, अगि_ते ख़यालु रखंदासीं।
मेजर: We lead by example, live by chance, love by choice and kill by profession. Is that clear to everybody.
[सभेई हिक आवाज़ मे चवनि था ]
सभेई: यस सर। जी जनाब।
[तड_हिं मेजर वाकीअ ते फ़ोनु करे कंहिंखे झटि अचण लाइ चवे थो।]
मेजर : तां जल्दी बेस कैंप मे अचो।
[सूबेदारु रहमति अली झटि कैंप मे पहुचे थो ]
[सभेई उनखे सैल्यूट था कनि ]
सूबेदारु: सलाम जनाब। तव्हां मूंखे यादि कयो। मां हिक ख़ुफ़िया मिशिनि ते हुअस ...
[मेजर हुनखे विच मे रोके अंदरि अचण लाइ चवे थो। ]
[केबिन जे अंदरि। ]
मेज़रु : तव्हांखे त ख़बर आहे त अजु_ काल्ह हिते जूं हालतूं कुझु अजीबु आहिनि। मां तोखे हिकिडे ज़रूरी कम लाइ मोकलणु चाह्यां थो. पर ख़यालु रखिजाईं कंहिंखे शक़ु न पवे त तूं हिकिडों फौजी आहीं। मूंखे पूरो विश्वास आहे त तूं हिन मिशिनि खे बख़ूबी निभाईंदें।
सूबेदारु: हा, साईं, मां तियारु आह्यां।
[मेज़र जवान खे अंदरि सडु_ करे थो, ए चवे थो। ]
मेज़रु: वञ हमदुअ खे सडे_ अचु।
[थोरी देर मे हम्दु अचे थो। ]
हम्दु : साईं, तव्हां मूंखे यादि कयो ?
मेज़रु: हा, हम्दु , बुधु हीउ राजनु आहे। हिनखे गोठ मे थोरनि डींहंनि लाइ पनाह खपे !
हम्दू: साईं माफ़ु कजो। हिकु त गोठ_ वारा आर्मीअ जे सख़्तु ख़िलाफ़ु आहिनि, ए ब्यों हिकु शींहुं असांजे गोठ_ मे आतंकु मचाए रख़यो आहे।
मेजरु : शींहुं जो आतंकु हिते (वाइडो_ थो थीए। )
हम्दू: जी जनाब, हाणे मूंखे वञणु ड_यो , मूंखे झटि हिकिडे शिकारीअ खे गो_ल्हिणो आहे।
मेजरु: ठीकु आहे। तूं हाणे वञी सघीं थो।
[ मेजरु ए सूबेदारु कुझु सोचण लगनि था। थोरी देरि मे मेजरु खे कुझु यादि अचे थो। मेजरु हम्दूअ खे सडे_ थो, ए हम्दु मोटी अचे थो। ]
मेजरु: हम्दू, हेड़ां_हु अचु।
हम्दू: जनाब, तव्हां मूंखे वापिस सडु_ कयो? हुकुमु कर्यो !
मेजरु: हिकिडो तरीको डसियांइ थो। तुंहिंजे गो_ठ जी समस्या हलि थी वेंदी ए असांजो बि कमु थी वेंदो।
हम्दू: असांजी समस्या हलि थी वेंदी। इहा वडी_ गा_ल्हि कहिड़ी आहे ?
मेजरु: हीउ अथेई तुंहिंजो शिकारी।
सूबेदारु(मुस्कुराईंदे ): जी जनाब।
हम्दू: हीउ ऐ शिकारी ! ओह अछा। ठीकु आहे।
[मेज़र बिन्ही खे कुझु समुझाए थो। सूबेदारु ऐ हम्दू वञण लगनि था। ]
[वेंदे -वेंदे हू मेजरु खे सैल्यूट था कनि। ]
[हम्दू शिकारीअ सां गडु_ गो_ठ मे वञी गो_ठु वारनि सां हुनजी वाक़िफ़यत कराए थो। ]
SCENE 07: HAMDU BRINGS SHIKARI AT VILLAGE
CHARACTERS: MANISH, MAHAK, USHA, DEEPAK, HEENA, BHAVESH, JATIN, YASH, AND EXTRAS.
[ हिकु हफ़्ते खां पोइ। ]
[सरिपंचु सां गडु_ सभेई मीटिंग मे वेठा आहिनि। ]
माण्हू१६ : हां टे बा_र गोठ मां गाइबु थी चुका आहिनि। तव्हां छा प्या कर्यो ? तव्हांखे शरमु अचणु खपे !
माण्हू१७ : बुडी_ मरो !
[ सभेई गोड़ु था कनि, ए सरिपंचु दुखी थी रोयण लगो_। ]
सरिपंचु: मूं हमदुअ खे शहिर मोकल्यो हो पर हू अञा ताईं आयो कोने ?
woman२: इहे गा_ल्हियूं न कर्यो। तव्हीं पंहिंजो पदु छडि_यो, कंहिं क़ाबुलि माण्हूअ खे ई फ़ैसिलो करणु ड_यो।
[एतिरे मे हम्दू हिक शिकारीअ खे वठी आयो। ]
मास्टरु: झूलेलालु महिर करे! डि_सो हम्दु आयो आहे।
सरिपंचु: वाह हम्दु! डा_ढ़ी वडी_ उमिरि आहे तुंहिंजी।
हम्दू: माफु कजो_ थोड़ी देरि थी वेई, पर मां डा_ढो वडे_ शिकारीअ खे वठी आयो आह्यां।
मास्टरु: दीर आयदि, दूरिस्त आयद!
[सभेई गडिजी शिकारीअ खे चवनि था, तव्हांजो स्वागतु आहे। ]
सभेई: तव्हांजो स्वागतु आहे।
सरिपंचु: असांजे गो_ठ में हिक ख़ूनख़्वास शेरू डा_ढो आतंकु मचायो आहे, उनखे ख़तमु करण मे असांजी मदद कर्यो।
शिकारी : छो न भाई! इहो ही त मुंहिंजो कमु आहे, बुधायो तव्हांखे कड_हिं खपे शेरू जो सिरु ?
सरिपंचु: वाह भाई! तव्हांजो कॉन्फिडेंस त लाजवाबु आहे !
हम्दु : नेकी और पूछ-पूछ! अजु_ ई ठाह्यूं था प्लान।
SCENE 07A SHIKARI TRAINS VILLAGERS
CHARACTERS: MANISH, YASH, NEERAJ, ALL VILLAGERS, EXTRAS.
[शिकारी सभिनी खे पाण वटि कोठे थो, ए कुझु खुसीर-पुसिर करे हुननि खे बुधाए थो। ]
[थोरी देरि खां पोइ मंच ते ऊंदहि थिए थी। ]
[सभेई गोठ वारा, हथनि मे लठियूं ऐ टॉर्च खणी हेडाहुं-होडाहुं घुमण लगा। सभेई हिक बिए सां गाल्हाईणि प्या। ]
शिकारी सुजाग थी, हुननि जूं गाल्हियूं ध्यान सां बुधे प्यो। हुनजे हथु मे राइफ़िलि आहे, जेका कंहिं बि वक़ित छूटी सघे थी। ]
[चारि पंज डींहं थी व्या पर शेरू न आयो। सभेई हिमथ हारे वेठा। तडहिं सरपंचु हुननिखे चवण लगो। ]
माण्हू : चारि डींहुं थी व्या, अञा ताईं शींहुं आयो ई कोने !
सरिपंचु: लगे_ थो शेरू शिकारीअ खे डि_सी भजी_ व्यो।
[सभेई खिलण लगणि था। ]
शिकारी: तव्हां खे ख़राबु न लगे, त मां हिकिड़ी गाल्हि चवां ?
[ सभेई हिक ई अवाज़ु मे चवण लगनि था ]
सभेई: छो भाउ, कहिड़ी गा_ल्हि आहे।
शिकारी: मूंखे लगे_ थो, हीउ शेरू डा_ढो चालिबाज आहे। इनकरे तव्हीं थोरी मदद कर्यो त मां डि_सी सघंा त कहिड़ी माजिरा आहे।
सरिपंचु: ठीकु आहे। रामू हिनखे उहा जगहि डे_खारि जितंा पहिरियों दफ़ो शेरू जिगर खे खणी व्यो आहे।
SCENE 07B: SHIKARI VISITS THE SPOT
CHARACTERS: NEERAJ/JEETU, YASH.
[रामू शिकारीअ खे उन जग_हि ते वठी व्यो, ए बिया सभेई पहिंजे-पहिंजे घरनि डां_हुं व्या। ]
रामू: हीअ उहाई जग_हि आहे जितंा शेरू ज़िगर खे खणी व्यो। हीअ गा_ल्हि मूंखे जिगर जे दोस्तनि बु_धाई हुई।
शिकारी: तव्हां थोरा परे हटो शीहुं जे पंजनि जा निशान मिटजी न वञन!
रामू: ठीकु आहे साईं।
[शिकारी ध्यान सां डि_सी बड़िबड़ायण लगो "एतरो वडो पंजो", "ए रत जा निशान काथे आहिनि।" ]
शिकारी: "एतरो वडो_ पंजो", "ए रत जा निशान काथे आहिनि"?
रामू: मतिलबु, तव्हां चवणु छा था चाह्यो?
शिकारी: मुहिंजीअ गा_ल्हि जो मतिलबु आहे। ..
[अचानकि हू सोचण लगे थो, ऐईं चपुटी वजाए चुपि थी व्यो।]
[रामू (अचिर्ज विचंा) वाइडो थी डिसे थो ]
[शिकारी हुनखे इशारो करे, वापसि हलण लाइ चवे थो। ]
[गो_ठ मे अची शिकारीअ रामूअ खे चयो ]
SCENE 07C: SHIKARI TRAINS KIDS
CHARACTERS( YASH, ALL VILLAGERS, MANISH, BHAVESH, BHOOMIKA, ALL KIDS)
शिकारी: सभिनी खे कठो कर्यो। मूंखे हुननि सां गा_ल्हाइणो आहे।
[रामूअ सभिनी खे कठो कयो। पोइ शिकारी चवण लगो। ]
शिकारी: हिन दफ़े मां पका शेरू खे पकिड़े ईंदूस। तव्हांखे मूं ते भरोसो आहे ? हिन कमु मे मुंहिंजी मदद करिणी पवंदी।
[सभेई माण्हू हिक ई आवाज़ मे चवनि था ]
सभेई: छो न ! असीं बि त इहो ई चाह्यूं था।
शिकारी : पर हीउ कमु थोरो मुश्किलि आहे !!
सरिपंचु, रामू ए हम्दू : मतिलबु ?
शिकारी: हिन दफ़े बि असीं टीम ठाहे डीं_हुं राति अलगि -अलगि पहिरो डीं_दासीं, पर हिन दफ़े तव्हीं न; बल्कि तव्हांजा_ बा_र पहिरो डीं_दा।
[सभेई हिक आवाज़ मे चवनि था]
सभेई: न इएं न थी सघंदो।
शिकारी: मां तव्हांखे पक था डि_यो त हिक बि बार खे कुझु न थींदो।
सरिपंचु: तड_हिं बि_ न। असीं पहिंजनि बा_रनि खे ख़तिरे मे न विझंदासीं !
[तड_हिं समीरा अचे थी। सभिनी जो ध्यानु, हुन डांहुं वञे थो, हुअ रोई चवे थी ]
समीरा (शिकारीअ खे ): को वञे न वञे, पर मां तव्हां सां गडु_ हलंदसि। (रोई ) मां उन शींहुं जो शिकार कंदसि।
शिकारी: वाह पुट, डा_ढ़ी सुठी गाल्हि चई आहे तो।
इमिली: मां बि_ तियारु आहियां।
[बि_चा सभेई बि सोचण लगणि था।] [थोरी देर खां पोइ सभेई चवण था ]
सभेई: असीं पहिंजनि बा_रनि खे मोकिलण लाइ तियारु आह्यूं पर कंहिं खे कुझु थ्यो त तोखे न छडीं_दासीं!
शिकारी: ठीकु आहे मूंखे तव्हांजो शर्तु मनज़ूरि आहे।
[शिकारी हमदुअ खे ईशारे सां बन्दूक खणी अचण लाइ चवे थो। ]
[सभेई बा_रनि खे पाण वटि कोठे कुझु सेखारे थो त कीअं बन्दूक झलिबी आहे अईं कीअं वाकी -टॉकीअ ते गा_ल्हाइबो आहे, कियं बीहणो आहे। जेकड_हिं शेरु अचे त कीअं झटि वण ते चढिनो आहे। बा_र सभेई सिखण लगा_। ]
सभेई बा_र : असीं तियारु आह्यूं।
SCENE 07D: SHER KIDNAPS A KID AGAIN
CHARACTERS: YASH, BHOOMIKA, RAHUL, NEERAJ, BHEEM, HEENA, REETU, DEEPAK & OTHER TERRORISTS]
[शिकारी ख़ुशि थो थिए। ]
[राति जो वक़तु आहे, सभेई बा_र पहिरो डि_यनि प्या। ]
[शेरु परियां बा_रनि जे हथ मे बन्दूक डि_सी मोटी वञे थो। ]
शेरु: कड_हिं न कड_हिं त कुझु मिलंदो न!
[ब डीं_हुं थी व्या पर कुझु न थ्यो , बा_र असुर ताईं पहिरो डियनि था। ]
बा_रु८ : ब डीं_हुं थी व्या समीरा?
समीरा : हा, अरे यारु, हू गड_हु अञा ताईं त आयो ई कोन्हे।
इमली : अरे हू शींहुं आहे, गड_हु कोन्हे। तू बि का चरी आहीं।
[सभेई खिलण लगा_। ]
[एतिरे मे बेख़बरि बा_रनिडे_ शेरू वधे थो। शेरू पहिंजीअ गैंग जे विच मे आहे अईं डा_ढ़ी अ ख़बरिदारीअ सां अगि_ते वधे प्यो। अचनाकि शेरु डा_ढ़े ज़ोर सां गजिगोड़ थो करे। गजिगोड़ बु_धी बा_रनि बंदूक छोड़ी पर शेरु बची व्यो। इहो डि_सी सभेई बार हेडां_हुं-होडंा_हुं थी व्या। शेरु हििकडे बा_र खे झटु हणी खणण जी कोशशि करे थो। बारु बेहोशि थी व्यो अईं शेरू ए संदसि साथी हुनखे खणी वञण लगा_। बारु बेहोश हो, पर हुनजी वाकी -टाकी चालू हुई। ]
[ शेरू ए संदिस साथी बा_रू खे खणी पंहिंजे अडे_ ते पहुता, उते वञी शेरु पंहिंजो मास्कु लाथो।
शेरु पंहिंजे ख़ीसे मा फ़ोनु कढ़ी गा_ल्हाइण लगो। ]
शेरू: बॉस, कमु थी व्यो , हीउ बा_र, डहनि सालनि जो आहे, हिनजो चडो अघु मिलंदो, तव्हां शेख़ साहब सां गा_ल्हाए वठो।
[शेरु पाण सां गाल्हाए थो : यारु, बिन हफ़ितनि खां पोइ हिकिडो बारु हथि लगो आहे। मा, हाणे चौणा पैसा वठन्दूस। ]
शेरु: यारु, बिन हफ़ितनि खां पोइ हिकिडो बा_रु हथि लगो_ आहे, मा हाणे चौणा पैसा वठन्दूस।
[झुंड जा सभेई शेर पंहिंजो पंहिंजो मास्कु लाहिनी था। सभेई चवनि था। ]
सभेई: बॉस, असांजो हिसो बि थोरो वधाइजो !
शेरु : छो भाई, चिलगोज़ो, सजो_ कमु त मां कर्यां, ए तव्हांजो हिसो छो वधायां?
चेलो १ : छो, जड_हिं पहिरियों भेरो तव्हां बारनि खे डेजा_रण व्या त तव्हां खे आईडिया कंहिं डि_नो ?
शेरू: आइडिआ डि_नो ! गड_ह तुहिंजी सलाहु मञी त मा मरी वञा हा।
चेलो२: अरे बॉस , मूं तव्हांखे अहिड़ी कहिडी ग़लति गा_ल्हि चई ? जड_हिं बैंक लुटण वेंदा आह्यूं त इहोई चवंदा आह्यूं "हथियार फिटा कर्यो। "
[शेरु खिजंदे ऑडियंस जे तरिफु मूंहुं करे चवे थो ]
शेरु: डि_सो हिन गड_ह खे। अहिड_नि माण्हूनि करे ई झंगल मे शींहं घटि प्या थियनि।
[शेरू साथिअ तरिफ़ु मोटी अची चवे थो। ]
शेरु : अरे , असांखे कहिड़ी बैंक लुटण वञिणो हो, असांजो कमु बा_रिन खे गाइबु करे वडे_ अघ ते विकणो आहे।
चेलो३: साईं, जल्दी हलो, बा_रि खे होशु अची व्यो त, गो_ठु हितां घणो परे कोन्हे। असांखे झटि पंहिंजे लिकल ठिकाणे ते हलणु खपे।
चेलो४: शाम बि थी वई आहे। बॉस के वधीक इन्तज़ारु कराइणु ठीकु कोन्हे।
शेरु : हा, ठीकु थो चवीं, हाणे हिन बा_र खे झटि खणो ए हलो।
SCENE 08 : SAMEERA MEETS DOCTORS
CHARACTERS (BHOOMIKA, DIMPLE, GAURAV)
[समीरा लापता बार जे पुठियां-पुठियां वञे थी।]
[ हुनजे वाकी -टाकीअ मा गिरोह जे गाल्हाइण जा आवाज़ु अचनि प्या। ]
[हुते झंग ते समीरा वाकी -टॉकी बुधंदे हिक हंधि बीही थी रहे। ]
समीरा: अरे, हाणे हिन मां आवाज़ु ई नथो अचे ! ऊंदहि बि घणी थी वेई आहे।
इमिली: लगे_ थो, हाणे हिते ही तरिसणु ठीकु आहे। शिकारी दादा वण ते चढनु सेखार्यो हो, अजु_ वण ते थ्यूं चढूं।
[तड_हिं उतां डॉक्टरू १, डॉक्टरू २ डिसण मे अचनि था। ]
डॉक्टरू १: हीउ शींहूं जो आतंकु सभिनी गो_ठनि मे फहिल्यलु आहे बंधू !
डॉक्टरू २: जी साईं! पर अचिरज जी गाल्हि आहे त हिन गो_ठ मे सिर्फ़ु नंढनि बारनि जो शिकार प्यो थिए दालि मे कुझु कारो त आहे ई।
डॉक्टरू १ : अरे कारी दालि छडि_ जल्दी कदमु खणु असांखे जल्दी शहिर पहुचिणो आहे, कहिड़ी खबर शींहुं असांखे ई न खाई वञे।
[तड_हिं हुननिखे कंहिं बा_र जे खिलण जो अावाज़ु बुधण मे अचे थी। ]
[मथे डि_ठाऊं त समीरा वेठी आहे।]
डॉक्टरू १: अरे समीरा ऐ इमिली तव्हीं बई हिन वक़ित ऊंदहि मे हिते कीअं आयूं आह्यो? पर तव्हीं छो पेयूं खिलो ?
समीरा: तव्हां, ऐतर्युं बहादुरीअ जूं गाल्हियूं कंदा आह्यो ए हिते शींहुं खां प्या डिजो_।
[ऑडियंस जे तरिफ़ु डी_सी गा_ल्हाईनि था। ]
डॉक्टरू(१,२ ): पुट ड्रामे जो इहो उसूल आहे त पहिंजी लाईनि चवंदा आहिनि बिए जी न चवंदा आहिनि।
डॉक्टरू(१,२ ): मुहिंजो मतिलबु पुट , जिअण खां वडो_ को धरमु कोन्हे।
समीरा ए इमिली (खिलंदे ): चिन्ता न कर्यो अजु_ शींहुं मारियो वेंदो!
डॉक्टरू(१,२ ):पर कीअं ?
SCENE 09 : SHER REACHES SECRET ADDA
CHARACTERS( SHER, BOSS, TERRORISTS, KIDS, IMLI, ASSISTANT TO SHER)
(RAHUL, DEEPAK, JATIN, NEERAJ, SRISHTI, BHEEM, HINA, RITU, MUSKAN, USHA, AND EXTRAS)
[वणनि जे झुरिमट मे लिकल आतंकवादी मुस्तैदी सां चइनी तरिफ़ु पहिरो डि_यनि प्या।]
थोरी देरि खां पोइ शेरु ऐ हुनजा साथी उते पहुता। ए हथ मथे करे चवनि था। ]
सभेई : चीका पीका रीका। चीका पीका रीका।
[अंदिरां जवाबु अचे थो] "डाय डामा नीका " [ए अडे_ जो गेटु खुली व्यो]
सभेई अंदरि व्या।
[कुझु ब्या बि बा_र उते सहमियल वेठा हुआ, हुननि जे मूंहनि ते पटी ए हथनि मे रसी ब_धल हूई। सभेई वाका करण जी कोशशि करे रह्या हुआ। पर कोशशि करण खां पोइ बि संदनि आवाज़ु घणो परे ताईं नथे पहुतो। ]
बॉस : वाह शेरू, अजु_ त तो डा_ढो तंदुरुस्त बा_रु आंदो आहे। हिनजा घटि मे घटि हिकु लखु डीनार त शेख़ु डिंदो ई।
शेरु : बॉस तव्हीं बुरो न मंञो त हिन दफ़े तव्हीं चारि लख घुर्जो सजे_ हफ़िते जी महिनत लगी_ आहे।
बॉस: चारि छो सत लख घुरंदासीं !
शेरु: हा साईं! इहा त सुठी गा_ल्हि आहे।
[बॉस फ़ोनु खणे थो ए शेख़ खे कॉल करे थो। ]
बॉस: माल जी डिलीवरी पंद्रहीं तारीख़। माका नाका पाका।
[बिए तरिफ़ां आवाज़ु अचे थी। ]
शेख़ : डाढ़ो सुठो! पाता तांखा झांखा। कहिड़ी गा_ल्हि, असीं तोखे पूरो एडवांस डिंदासीं।
[ए फ़ोनु रखी थो छडे_। ]
बॉस: हलो त सभेई हिननि बा_रनि खे तियारु कर्युं।
SCENE १० A : शिकारी MAKES VILLAGERS UNDERSTAND.
CHARACTERS: (ALL VILLAGERS, RAMU, HAMDU, SARPANCH, SHIKARI)(NEERAJ, JEETU, BHAVESH, MANISH AND EXTRAS)
[सभिनी गोठ वारनि शिकारीअ खे घेरे रखयो आहे। ]
[गोठ वारनि मा हीकिडो माण्हू ]
माण्हू१: हाणे कीअं बचंदें बचू ? मुंहिंजी इमली ग़ाइबु आहे।
[तडंहिं रामू चयो]
रामू : मुंहिंजी धीअ ब त ग़ाइबु आहे।
सरिपंचु: पर शींहुं त हिकिडे ई बार खे खणी व्यो हो। समीरा केडा_हुं वई ?
हम्दू: तरिसो पहिरीं शिकारीअ खे गा_ल्हाईणु ड_यो। डि_सजे त हुनजी कहिड़ी रिथ आहे।
शिकारी: तव्हां चिन्ता न कर्यो, ब_ई बार सुरक्षित आहिनि। हाणे असांखे वधीक वक़्तु विञाइणु न खपे। तव्हीं सभेई मूंसां गडु_ हलो।
[सभेई लठि, भालो, टॉर्च जेकी बि हथि लगो_, खणी तियारु थिया।]
CHARACTERS( MANISH, YASH, NEERAJ, JEETU, BHOOMIKA, RAHUL, DEEPAK, AKSHAY, JATIN, AND REST EVERYBODY)
[एतिरे में शिकारीअ ए गोठ वारा अची पहुचनि था ए शिकारी कीअं बि करे, लिकल रस्ते जी ख़बर करे थो अचे।
पर उहो खुले कोन थो। ] [तडहिं समीरा चिलाए थी। ]
समीरा: चीका पीका रीका।
[साम्हू शींहुं जो वेस मे माण्हू ऐ बार बधल डिठऊं। सभिनी खे समुझु मे अचे थो त छा आहे। ]
शिकारी: तू असली आहीं या नकुली आहीं, पर मारिंदुसि तोखे जरुरु। नंढनि बारनि खे खाईंदे चउ।
शेरु : सरि, सरि , मां , हुअ, मां हुअ।
[एतिरे मे बॉस अचे थो। ]
बॉस: ख़बरदारि कोई बि पंहिंजीअ जगहि तंा न हटंदो।
[सरिपंचु पंहिंजी लाठि हुनजी टंगुनि मे अटिकाए हुन खे केराए थो छडे। बॉस किरी थो पवे , गोठ वारा हुननि सभिनी जी ख़ूबि मरिमत था कनि। ]
[बई डॉक्टरू पंहिंजे झोले मा, ब वडियूं इन्जेकशनि कढ़णि था।]
[चौतरिफ़ु अफ़रा -तफ़रीअ जो माहोलु आहे। ]
डॉक्टरू१: अरे हिन वडी_ इंजेक्शन सां त मस्तु हाथी बि शान्ति थी वेंदा आहिनि। पुट शेरू तू कहिड़ी शइ आहीं!
डॉक्टरू२: सरि हीउ गड_ह वारो इंजेक्शन बिए कंहिंखे लगाए छड_यो, घणनि डींहंनि खां कंहिंखे ढेंचू-ढेंचू कंदे कोन बु_धो आहे।
[बई डॉक्टरू हुननि सभिनी खे इंजेक्शन लगाईनि था। ऐ सभेई सूर विचां तडिफनि था। ]
बॉस: असांखे माफ़ु कर्यो। आईंदे कंहिं बि बा_र खे न पकिड़ींदासीं ऐ न ई विकिणंदासीं।
[तडहिं शींहुं जे वात मा गजी निकिरे थी। ]
बॉस: पुट शेरू, डॉक्टरू महिरबानी करे हिनखे बचायो। किथे हीउ मरी न वञे। मुहिंजो हिकिडो ई पुटु आहे।
डॉक्टरू१ : छो, बि_यनि जे बा_रनि खे विकिणंदे तोखे शरमु कोन थे आयो ?
[बॉस रूअण लगे थो ऐ इहो डिसी असिस्टेंट डॉक्टरू चवे थो। ]
डॉक्टरू२: घबिरायो न! डि_जो न , असां हुनखे बेहोशीअ जी इंजेक्शन डि_नी आहे। थोरी देरि मे हुनखे होशु ईंदो।
हम्दु: सूबेदारु साहिब , हिननिखे गिरफ़्तारु कर्यो।
[सभेई डिसन था।]
[शिकारी गुसे सां हम्दुअ खे डिसे थो।]
[ऐ पोइ वॉकी ते फ़ोनु करे थो। ]
सूबेदारु: मेज़र साहब , ऑपरेशन NO TRAFFICKING सफलु थियो। अजु_ खां पोइ गो_ठनि मे HUMAN TRAFFICKING बंदि। सभेई बा_र सुरक्षित आहिनि। मा अजु_ शाम जो ई बेस मे रिपोर्ट कर्यां थो।
[थोरी देरि मे पुलिस दलु ऐ जवान अची पहुता ऐ सभिनी बदिमाशनी खे पकिड़े वठी व्या।]
[शेरुअ खे स्ट्रेचर मे खणी वठी व्या ]
[बार पहिंजनि माइटनि सां वञी गडिया।]
[सभेई गोठ वारा शिकारीअ जो शुक्रिया अदा कंदा आहिनि। ]
सरिपंचु: पर इहो बु_धायो त तव्हां खे ख़बर कीअं पेई त हू शींहुं कोन्हे। तव्हां असांखे पहिरीं छो न बु_धायो त तव्हीं फ़ौजी आह्यो।
शिकारी : अगरि मां हि चवां हां त मां फ़ौजी आह्यां त तव्हीं मूंखे कुझु करणु न ड_ये हा ए मां हीअ मिशन पूरी करें न सघां हा। आईं जिते शेर जो पंजो हो, उहो शेर जो पंजो ई कोन पिए लगो। PUMA कम्पनीअ जे जूते जो निशानु हो। ऐ न रतु ई हो।
[MAJOR ENTERS THE STAGE AS SHIKARI COMPLETES HIS LINES.]
मेज़र : असांखे केतिरनि डींहनि खां शक़ु त हो त कुझु ब्या_ बा_र बि गो_ठुनि मा गुमु प्या थियनि। पर सरिहद जे बी_अ भरि थिअण वारी हलिचलि असांजे शक़ु खे यक़ीन मे बदिलयो।
सरिपंचु: अछा, त इहा गा_ल्हि आहे।
[CAST INTERACTS WITH THE AUDIENCE.]
शिकारी: जी हा , HUMAN TRAFFICKING समाजु जो हिकु किनो ऐ वडो_ अपिराधु आहे।
समीरा :इन करे हरि साल अलाइ केतिरा बा_र पंहिंजी जिंदगी विञाईंदा आहिनि।
सरपंचु: असांखे खपे त असीं पहिंजनि बारनि खे अज़िनबी आईं शेरुअ जहिड़नि खां डि_जण बदिरां हुननि सां मुक़ाबिलो करण लाइ ताक़तवरु बणिजण खपे।
मेज़र: मां इएं थो चवां त पहिंजनि बारनि खे अहिड़ी सिख्या सभिनी खां पहिरीं ई डि_यणु खपे हा।
डॉक्टर १&२ :जड_हिं बा_रनि खे समुझु ईंदी त हुननि जे आसि - पासि छा ग़लति थिए प्यो त उन्हनि हालतुनि मुक़ाबिलो चङीअ तरह करे सघंदा।
सभेई : TOGETHER WE CAN STOP THIS EVIL. असीं सभेई गडि_जी हिन बुराईअ खे जड़ खां उखोड़े ख़तमु करे सघूं था। जय हिन्द। जय भारत।
[ THE END .]
